Shkolla e MagjistraturësShkolla e Magjistraturës, më datë 10 shkurt 2025, zhvilloi aktivitetin trajnues pranë ambienteve të Shkollës së Magjistraturës, në Tiranë, me temë “Dhuna me bazë gjinore ndaj grave”
- Efikasiteti i ndjekjes penale në rastet e dhunës me bazë gjinore. Efektiviteti i zbatimit të urdhrave të mbrojtjes dhe procedimet në rast të shkeljes së tyre.
- Problematikat në praktikën gjyqësore lidhur me deklarimin e viktimave të dhunës se nuk kërkojnë ndjekje penale përveç pajisjes me urdhër mbrojtje dhe qëndrimi i organit procedues. Detyrimi i gjykatës për referimin e rasteve në organin procedues.
- Mbrojtja e viktimës së dhunës me bazë gjinore.
- Efekti i procedimeve penale lidhur me dhunën në familje mbi vendimmarrjet e gjykatës për zgjidhjen e martesës dhe ushtrimin e përgjegjësisë prindërore pas zgjidhjes së martesës”
Ky aktivitet u drejtua nga:
Ekspertë: Vjosa Zaimi dhe Anita Pilika
Lehtësuese: Eliora Elezi
Qëllimi i këtij trajnimi është: të identifikojë praktikën e gjykatës dhe prokurorisë shqiptare, duke evidentuar problematikat aktuale, por dhe praktikat më të mira, në lidhje me dhunën me bazë gjinore ndaj grave; të realizojë shkëmbimin e mendimeve në lidhje me efikasitetin e ndjekjes penale në rastet e dhunës me bazë gjinore, si dhe efikasitetin e zbatimit të urdhrave të mbrojtjes dhe procedimet në rast të shkeljes së tyre; të identifikohen praktikat më të mira në lidhje me mbrojtjen e viktimës së dhunës me bazë gjinore. Lidhja e procedimeve penale lidhur me dhunën në familje dhe proceset për zgjidhjen e martesës.
Trajnimi u realizua duke ndërthurur prezantimet (deri në 20-30 min) me diskutimin e çështjeve të shtruara (pyetjeve vetë studimore; pyetje-përgjigje) dhe ushtrimeve me raste praktike & kuize, për të nxitur dhe realizuar ndërveprimin aktiv të pjesëmarrësve.
Gjatë këtij aktiviteti trajnues u trajtuan tema të ndryshme, si:
- Standardet ndërkombëtare të dhunës me bazë gjinore;
- Dhuna me bazë gjinore ndaj grave. Dhuna në familje, ndryshimet e ligjit;
- Efektiviteti i zbatimit të urdhrave të mbrojtjes dhe procedimet në rast të shkeljes së tyre;
- Efekti i procedimeve penale lidhur me dhunën në familje mbi vendimmarrjet e gjykatës për zgjidhjen e martesës dhe ushtrimin e përgjegjësisë prindërore pas zgjidhjes se martesës;
- Legjislacionit shqiptar sa i përket dhunës me bazë gjinore; Problematikat e hasura nga zbatimi i tij në praktikë;
- Njohja e gjithë instrumentave ligjorë penalë, socialë dhe jo vetëm, me qëllim një bashkëpunim sa më efikas të të gjithë faktorëve kundër dhunës mbi bazë gjinore;
- Dhuna ndaj të miturve Cili është kuadri ligjor? Dallimi midis disiplinës prindërore dhe dhunës ndaj fëmijëve në natyrën dhe qëllimin e sjelljes së prindërve ndaj fëmijëve të tyre;
- Ç’do të thotë abuzim? Format e abuzimit. Pasojat afatshkurtra dhe afatgjata të abuzimit;
- Tiparet dhe karakteristikat e grave të dhunuara e të dhunuesve të tyre;
- Elementë të identifikimit të fëmijëve të abuzuar. Çrregullimi i stresit post-traumatik. Trajtimi i çrregullimit të stresit post traumatik.
Në këtë aktivitet trajnues morën pjesë gjyqtarë dhe prokurorë të Republikës së Shqipërisë.
QUIZ: https://vazhdues.magjistratura.edu.al/quiz/qsm_quiz/kuic-11-shkurt/
